O Museo da Lingua Portuguesa de São Paulo conmemorará con debates e exposicións o centenario do nacemento de José Saramago, escritor portugués e Nobel de Literatura.

Fonte: Terra

A BBC tomou a decisión de retomar os traballos de retransmisión radiofónica en lingua inglesa desde Rusia despois de que se suspendese temporalmente a semana pasada.

Fonte: The Guardian

O Consello Internacional dos Arquitectos de Lingua Portuguesa (CIALP, polas súas siglas en portugués) convocou a segunda edición dun concurso de fotografía que pretende abrir un espazo de reflexión sobre os conceptos de sustentabilidade e lusofonía. 

Fonte: Público

O rexistro civil da cidade de Nimes prohibiu a inscrición dun neno occitano porque o seu nome presentaba unha grafía contraria ás normas ortográficas do francés.

Fonte: Jornalet

Un panel de persoas expertas na materia propuxo novas estratexias e recomendacións para salvagardar e promover o gaélico irlandés e o escocés do Úlster en Irlanda do Norte.

Fonte: BBC

Integrantes do colectivo "Movemento polo Mapuzugun" realizaron unha marcha polas rúas da cidade chilena de Temuko (ou Temuco, en español) para demandar máis protección para a lingua do pobo mapuche e solicitar a súa oficialización no ámbito local.

Fonte: Revista de Frente

O municipio da illa de Anglesey (Ynys Môn, en galés), no norte do País de Gales, celebrou o Día de San David coa estrea oficial do dominio galés do seu sitio web e co lanzamento dunha sección dedicada á promoción da lingua galesa.

Fonte: North Wales Chronicle

Diferentes actividades e iniciativas terán lugar ao longo do mes de marzo en cidades como Quimper e no resto da Bretaña para celebrar o mes da lingua bretoa.

Fonte: Actu.fr

A Autoridade Nacional do Medicamento e Produtos de Saúde de Portugal (Infarmed) informou de que todos os autotests da covid-19 deben vir acompañados a partir de agora de instrucións en lingua portuguesa.

Fonte: O Minho

Un estudo elaborado na Universidade de Umeå, Suecia, revelou que o alumnado bilingüe sueco-persa é capaz de ler e escribir textos con maior precisión que as persoas non bilingües.

Fonte: Phys.org