Mundo
Portugal quere introducir o ensino do portugués como lingua estranxeira no currículo das escolas francesas
O embaixador de Portugal en Francia anunciou que os gobernos de Portugal e Francia chegarán a un acordo para introducir o ensino do portugués como lingua estranxeira nos plans de estudos do ensino público.
Fonte: Expresso
O Instituto Camões inaugura as súas novas instalacións en Luxemburgo
O Instituto Camões inaugurou a súa nova oficina en Luxemburgo co nome de Centro Cultural Portugués. Ao acto asistiron o primeiro ministro luxemburgués, Xavier Bettel e Teresa Ribeiro, secretaria de Estado de Cooperación do Goberno portugués.
Fonte: Notícias ao Minuto
Un senador de Porto Rico quere que o español sexa o primeiro idioma da illa
Con motivo do Congreso Internacional da Lingua Española (CILE), o senador de Porto Rico Antonio Fas Alzamora mostrouse partidario de declarar o español primeiro idioma oficial da illa caribeña.
Fonte: Telemundo
Os pobos indíxenas do Canadá esperan que os orzamentos do Goberno inclúan medidas a favor das linguas vernáculas
Representantes das Primeiras Nacións do Canadá esperan que o executivo aprobe partidas orzamentarias máis favorables coas linguas indíxenas.
Fonte: iPolitics
O Instituto Cervantes quere implantarse en países de Asia e África Subsahariana
O director do Instituto Cervantes, Víctor García de la Concha, declarou nunha sesión plenaria do Congreso Internacional da Lingua Española de Porto Rico que o reto actual da institución é implantarse en países de Asia e África Subsahariana.
Fonte: El Día
Un proxecto do British Council axuda os docentes a ensinar linguas estranxeiras no Líbano
O programa do British Council "Fortalecer o Ensino nunha Sociedade Plurilingüe" aspira a capacitar docentes libaneses no ensino das linguas estranxeiras.
Fonte: Al Arabiya
Suprimen un proxecto que promove a transmisión xeracional do galés
O Goberno do País de Gales decidiu suprimir un programa que animaba a pais e nais a transmitiren aos seus fillos a lingua galesa.
Fonte: Daily Post
Traducirán ao chinés unha obra do escritor mozambicano Mia Couto
A sección chinesa da casa editorial Penguin Books traducirá ao chinés a obra Confissão da Leoa, do autor mozambicano Mia Couto. Trátase da primeira obra dun autor mozambicano traducida a esta lingua.
Fonte: Observador
Guinea Ecuatorial apoiarase nas universidades para implantar o ensino do portugués no país
O embaixador de Guinea Ecuatorial en Portugal, Tito Mba Ada, pediulles apoio ás universidades lusófonas para promover o ensino do portugués no país.
Convócase unha manifestación a favor da lingua bretoa
Un colectivo a prol da lingua bretoa convoca unha manifestación para demandar a sinatura dun acordo que garanta unha verdadeira política institucional a favor do bretón.
Fonte: Le Télégramme
Boletín
Subscríbase ao boletín
