Mundo
O ministro de Cultura de Cabo Verde defende que o crioulo se converta en lingua oficial do país africano
O ministro de Cultura de Cabo Verde, Abraão Vicente, defendeu nunha entrevista celebrada con motivo do VII Encontro de Escritores de Lingua Portuguesa a declaración do crioulo como lingua oficial do país africano.
Fonte: Diário de Notícias
A constitución de Moldavia recoñece o romanés como lingua oficial do país
O Tribunal Constitucional de Moldavia aprobou o cambio de denominación da lingua oficial do país. A partir de agora, a constitución establece que o que antes se chamaba moldavo pasa agora a denominarse romanés.
Fonte: Balkan Insight
A Academia Francesa rexeita unha norma que faría do francés unha lingua máis inclusiva
A máis alta autoridade da lingua francesa en Francia, a Academia Francesa, rexeitou as propostas de converter o francés nunha lingua máis inclusiva desde o punto de vista do xénero. Segundo a institución, os cambios significarían un "ataque mortal" para a lingua.
Fonte: France 24
Unha profesora dunha lingua indíxena do estado de Rondonia gaña o premio á mellor educadora do ano no Brasil
A profesora Elisângela Dell-Armelina Suruí recibiu a distinción de mellor educadora do ano no Brasil polo seu labor docente e os seus proxectos de alfabetización dos indios da tribo nabekodabadakiba na súa lingua materna, o paiter suruí.
Fonte: Veja
O ensino do portugués colle forza en Venezuela
Cada vez máis venezolanos deciden aprender a lingua de Camões en Venezuela. O ensino do portugués aumentou un 70% e xa existen 5000 persoas a estudalo en todo o país.
Fonte: RTP Notícias
A novela en lingua galesa está a atravesar unha época de bonanza
O Consello de Libros Galeses (WBC, polas súas siglas en inglés) informou de que a novela en lingua galesa está atravesando unha época de expansión a pesar dos estudos que mostran unha baixada no número de vendas.
Fonte: The Guardian
O novo presidente do Instituto Camões pídelles aos ministerios que asuman competencias en materia de lingua portuguesa
O novo presidente do Instituto Camões, Luís Faro Ramos, pediulles a varios ministerios que asuman as áreas de cultura e lingua portuguesas como prioritarias.
Fonte: Diário de Notícias
Un programa do Goberno de Paraguai quere salvar da extinción a lingua guaná
A Secretaría de Políticas Lingüísticas de Paraguai quere evitar mediante un programa de revitalización a desaparición da lingua guaná, falada por poucos integrantes dunha comunidade indíxena do departamento de Concepción.
Fonte: Ñandutí Digital
O ministro de Asuntos Exteriores de Portugal pide maior compromiso de empresas e universidades na promoción do portugués
O ministro de Asuntos Exteriores de Portugal, Augusto Santos Silva, pediulles ao sector económico e ás universidades que mostren un maior compromiso pola promoción e desenvolvemento do portugués como lingua internacional.
Fonte: RTP
A escolla da palabra "darí" nunha páxina da BBC levanta unha fonda polémica en Afganistán
O cambio de nome nunha páxina de Facebook da BBC de "parsi" a "darí", unha das denominacións da lingua persa falada en Afganistán, levantou unha profunda polémica no país centroasiático.
Fonte: Aljazeera
Boletín
Subscríbase ao boletín
