Mundo
O secretario xeral da ONU subliña a importancia do portugués no mundo
O secretario xeral das Nacións Unidas, António Guterres, prometeu reforzar o portugués como lingua global e loitar contra a uniformidade cultural e lingüística do mundo actual.
Fonte: RTP
Unha escola de Escocia promove o ensino do chinés entre o alumnado de primaria
Unha escola de Aberdeen, en Escocia, creará un centro de ensino de chinés que promoverá a aprendizaxe desta lingua entre os escolares de primaria e que contribuirá a acadar os obxectivos establecidos polo Goberno de Escocia para que todo o alumnado do ensino público poida estudar dúas linguas diferentes ao seu idioma materno antes de 2020.
Fonte: Evening Express
O suahili convértese na primeira lingua africana recoñecida por Twitter
A rede social Twitter recoñeceu o suahili, unha das linguas africanas máis faladas. A partir de agora a plataforma ofrecerá soporte e tradución nesta lingua.
Fonte: CNN
Taiwán quere equiparar o taiwanés ao chinés mandarín
O Goberno de Taiwán está elaborando unha lei que pretende modificar o significado de lingua nacional. Se se aproba a medida, a lingua vernácula da illa de Taiwán pasaría a ter a mesma consideración que o chinés mandarín.
Fonte: Quartz
Un estudo demostra que o movemento inconsciente dos ollos pode revelar o nivel de dominio dunha lingua
Un estudante do Instituto de Tecnoloxía de Massachusetts (EUA) revelou nun estudo que o movemento inconsciente dos ollos pode demostrar o nivel de coñecemento dunha lingua estranxeira. Este achado podería axudar a crear probas de coñecemento de linguas máis precisas e personalizadas.
Fonte: New Scientist
O presidente de Cabo Verde defende a riqueza singular da lingua portuguesa
O presidente de Cabo Verde, Jorge Carlos Fonseca, defendeu con motivo dunha conferencia celebrada en Praia a "riqueza singular" da lingua portuguesa e a necesidade de preservala e proxectala internacionalmente.
Fonte: Sapo 24
Un mozo de 27 anos crea un debuxo animado para ensinar a lingua de signos brasileira
Un mozo de 27 anos do estado brasileiro de Santa Catarina creou un debuxo animado para ensinar a nenas e nenos a lingua de signos brasileira.
Fonte: Globo
O Instituto Camões quere dinamizar o Instituto Internacional da Lingua Portuguesa
O presidente do Instituto Camões, Luís Faro Ramos, defendeu unha maior dinamización do Instituto Internacional da Lingua Portuguesa co fin de promover o portugués dun xeito máis eficaz.
Fonte: Diário de Notícias
O Instituto Internacional da Lingua Portuguesa dubida da vontade de Guinea Ecuatorial de promover o portugués
A presidenta do Instituto Internacional da Lingua Portuguesa, Margarita Correia, afirmou que Guinea Ecuatorial non mostra unha vontade real de promover a lingua portuguesa dentro das súas fronteiras.
Fonte: Notícias ao Minuto
O primeiro ministro de Portugal anuncia a apertura dun novo Centro de Lingua Portuguesa no Canadá
O primeiro ministro de Portugal, António Costa, anunciou a apertura dun Centro de Estudos de Lingua e Cultura Portuguesas na cidade canadense de Toronto.
Fonte: Diário de Notícias
Boletín
Subscríbase ao boletín
